ವಾಷಿಂಗ್ಟನ್ : ಚೀನಾದ ಟಿಯಾಂಜಿನ್ನಲ್ಲಿ ಸೋಮವಾರ ನಡೆದ ಶಾಂಘೈ ಸಹಕಾರ ಸಂಘಟನೆಯ (SCO) ಶೃಂಗಸಭೆ ಹಿನ್ನೆಲೆ, ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಹಾಗೂ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರೊಂದಿಗೆ ಮಾತುಕತೆ ಮತ್ತು ಸ್ನೇಹಪೂರ್ಣ ಹಸ್ತಲಾಘವ ಅಮೆರಿಕದ ರಾಜಕೀಯ ವಲಯದಲ್ಲಿ ಚರ್ಚೆಗೆ ಕಾರಣವಾಗಿದೆ.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಪ್ತ ಸಲಹೆಗಾರ ಪೀಟರ್ ನವರೊ, ಈ ಸಂದರ್ಭಕ್ಕೆ ತೀವ್ರ ಪ್ರತಿಕ್ರಿಯೆ ನೀಡಿ, “ವಿಶ್ವದ ಇಬ್ಬರು ಪ್ರಮುಖ ಸರ್ವಾಧಿಕಾರಿಗಳ ಜೊತೆಗೆ ಮೋದಿ ಕೈಕುಲುಕಿದ್ದು ನಾಚಿಕೆಗೇಡಿನ ಸಂಗತಿ” ಎಂದು ಟೀಕಿಸಿದ್ದಾರೆ.
“ಭಾರತ ಸತ್ಯ ಅರಿತರೆ ಉತ್ತಮ” – ನವರೊ ಟೀಕೆ
“ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವದ ನಾಯಕರಾಗಿ, ಮೋದಿ ಇಂತಹ ನೇತೃತ್ವದೊಂದಿಗೆ ಹತ್ತಿರವಾಗುವುದು ಸರಿಯಲ್ಲ. ಭಾರತ ಚೀನಾದೊಂದಿಗೆ ದಶಕಗಳಿಂದ ಶೀತಲ ಸಮರದಲ್ಲಿದೆ. ಈಗ ಅವರನ್ನು ಸಹಜವಾಗಿ ಭೇಟಿಯಾಗಿ ಕೈಕುಲುಕುವುದು ಎಳೆಯನೂ ಕೂಡ ಪ್ರಶ್ನಿಸುವ ವಿಚಾರವಾಗಿದೆ. ಭಾರತದ ನಾಯಕರು ರಷ್ಯಾ ಅಥವಾ ಚೀನಾದೊಂದಿಗೆ ಅಲ್ಲ, ಅಮೆರಿಕ, ಯುರೋಪ್ ಮತ್ತು ಉಕ್ರೇನ್ನೊಂದಿಗೆ ನಿಲ್ಲಬೇಕಾದ ಅಗತ್ಯವಿದೆ. ಈ ಸತ್ಯವನ್ನು ಅವರು ಬೇಗ ತಿಳಿದುಕೊಳ್ಳಬೇಕಿದೆ,” ಎಂದು ನವರೊ ಬಿಂಬಿಸಿದ್ದಾರೆ.
ಪುಟಿನ್-ಮೋದಿ ಸ್ನೇಹದ ದೃಶ್ಯ ವೈರಲ್
SCO ಶೃಂಗಸಭೆಯಲ್ಲಿ ಭಾಗವಹಿಸಲು ಚೀನಾಕ್ಕೆ ತೆರಳಿದ್ದ ಮೋದಿ, ಹಲವು ಜಾಗತಿಕ ನಾಯಕರನ್ನು ಭೇಟಿಯಾಗಿದ್ದಾರೆ. ವಿಶೇಷವೆಂದರೆ, ಮೋದಿ ಅವರನ್ನು ಕಂಡ ಕೂಡಲೆ ರಷ್ಯಾ ಅಧ್ಯಕ್ಷ ಪುಟಿನ್ ಅವರು ಮನಃಪೂರ್ವಕವಾಗಿ ಅಪ್ಪಿಕೊಂಡರು. ಈ ಹೃದಯಸ್ಪರ್ಶಿ ಕ್ಷಣಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗಿವೆ.
ಇನ್ನೊಂದು ಗಮನಾರ್ಹ ಸಂಗತಿಯೆಂದರೆ, PUಟಿನ್ ಮತ್ತು ಮೋದಿಯವರ ನಡುವೆ ಶೃಂಗಸಭೆಯ ಹೊರತಾಗಿ ದ್ವಿಪಕ್ಷೀಯ ಸಭೆಯೂ ನಡೆಯುತ್ತಿದೆ. ಇಡೀ ಸಭೆಯನ್ನು ‘ಗ್ಲೋಬಲ್ ಸೌತ್’ ರಾಷ್ಟ್ರಗಳು ತಮ್ಮ ಶಕ್ತಿ ಪ್ರದರ್ಶನದ ವೇದಿಕೆಯಾಗಿ ಬಳಸಿಕೊಂಡು, ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳ ಪ್ರಭಾವಕ್ಕೆ ಉತ್ತರ ನೀಡುವ ಪ್ರಯತ್ನ ಮಾಡಿವೆ.
