ಸಾಧ್ಯವಾದಷ್ಟು ಹೆಚ್ಚು ದಿನ ಫ್ರಿಡ್ಜ್ ನಲ್ಲಿ ಇವು ಕೆಡದಂತೆ ಸಂಗ್ರಹಿಸಲು ಮೊದಲಿಗೆ, ಕಚ್ಚಾ ಚಿಕನ್ ಅನ್ನು ಗಾಳಿಯಾಡದ ಒಂದು ಡಬ್ಬದಲ್ಲಿ , ಅಥವಾ ಸಿಲ್ ಮಾಡಬಹುದಾದ ಬ್ಯಾಗ್ ಗಳಲ್ಲಿ ಫ್ರಿಡ್ಜ್ ನ ಶೆಲ್ಫ್ ನ ಕೆಳಭಾಗದಲ್ಲಿ ಸಂಗ್ರಹಿಸಿ ಮತ್ತು ಫ್ರಿಡ್ಜ್ ತಾಪಮಾನವು 40°F ಅಥವಾ ಅದಕ್ಕಿಂತ ಕಡಿಮೆ ಇರುವಂತೆ ನೋಡಿಕೊಳ್ಳಿ. ಸಂಗ್ರಹಿಸಿದ ಕಚ್ಚಾ ಕೋಳಿಮಾಂಸವನ್ನು ಬೇಯಿಸುವ ಮೊದಲು ರೆಫ್ರಿಜರೇಟರ್ ನಲ್ಲಿ ಇರಿಸಲು 1-2 ದಿವಸದೊಳಗೆ ಬಳಸುವುದು ಉತ್ತಮ ಎಂದು ಶಿಫಾರಸು ಮಾಡಲಾಗಿದೆ. ಈ ಲೇಖನದಲ್ಲಿ ಹೇಗೆ ಇದನ್ನು ಸಂಗ್ರಹಿಸುವುದು ಎನ್ನುವ ಬಗ್ಗೆ ತಿಳಿಯೋಣ.

ಕೋಳಿ ಮಾಂಸವನ್ನು ತೊಳೆಯಿರಿ
ಕಚ್ಚಾ ಕೋಳಿ ಮಾಂಸವನ್ನು ಸಂಗ್ರಹಿಸುವ ಮೊದಲು ಯಾವಾಗಲೂ ಅದನ್ನು ಚೆನ್ನಾಗಿ ತೊಳೆಯಿರಿ ಮತ್ತು ಯಾವುದೇ ಬೇಡದೇ ಇರುವ ಅಂಗಾಂಶಗಳು ಅಥವಾ ಚರ್ಮವನ್ನು ತೆಗೆದುಹಾಕಿ ಕೋಳಿಯನ್ನು ಸ್ವಲ್ಪ ಸಮಯದವರೆಗೆ ನೆನೆಸಿ ನಂತರ ಸಂಗ್ರಹಿಸುವ ಮೊದಲು ಹೆಚ್ಚುವರಿ ತೇವಾಂಶವನ್ನು ತೆಗೆದುಹಾಕಲು ಪೇಪರ್ ಟವೆಲ್ ನಿಂದ ಚೆನ್ನಾಗಿ ಒರೆಸಿ ಅಥವಾ ಸ್ವಲ್ಪ ಸಮಯ ತೇವಾಂಶ ಹೋಗುವಂತೆ ಒಣಗಿಸಿ. ಇದರಿಂದ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯಬಹುದು ಮತ್ತು ಹೆಚ್ಚು ದಿನಗಳವರೆಗೆ ಕೆಡದಂತೆ ಸಂಗ್ರಹಿಸಬಹುದು.

ಮ್ಯಾರಿನೇಟ್ ಮಾಡಿ
• ಕೋಳಿ ಮಾಂಸವನ್ನು ನೈಸರ್ಗಿಕ ಸಂರಕ್ಷಕಗಳಾದ ಉಪ್ಪು ಮತ್ತು ಅರಶಿನದೊಂದಿಗೆ ಮ್ಯಾರಿನೇಟ್ ಮಾಡುವುದರಿಂದ ಅದರ ಸಂಗ್ರಹಣಾ ಜೀವಿತಾವವಧಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮ್ಯಾರಿನೇಟ್ ಮಾಡಲು ಬಳಸುವ ಉಪ್ಪು ಕೋಳಿ ಮಾಂಸದಿಂದ ತೇವಾಂಶಾವನ್ನು ಹೊರತೆಗೆಯುತ್ತದೆ ಮತ್ತು ಬ್ಯಾಕ್ಯಿರಿಯಾ ಬೆಳೆಯದಂತೆ ತಡೆಗಟ್ಟುತ್ತದೆ.
• ಇದರಿಂದ ಕೆಡಲು ಕಾರಣವಾಗುವ ನೀರಿನ ಅಂಶವನ್ನು ತೆಗೆದುಹಾಕುತ್ತದೆ. ಅರಶಿನವನ್ನು ಬಳಸುವುದರಿಂದ ಆಂಟಿ ಮೈಕ್ರೊಬಿಯಲ್ ಮತ್ತು ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿರುವ ಕರ್ಕ್ಯುಮಿನ್ ಅನ್ನು ಹೊಂದಿದ್ದು, ಇದು ಬ್ಯಾಕ್ಟೀರಿಯಾ ಬೆಳವಣಿಗೆಯನ್ನು ತಡೆಯಲು ಮತ್ತು ತಾಜಾತನವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
• ಒಟ್ಟಿಗೆ ಈ ಪದಾರ್ಥಗಳು ಬ್ಯಾಕ್ಟೀರಿಯಾ ಬೆಳವಣಿಗೆಗೆ ಕಡಿಮೆ ಅವಕಾಶ ಸೃಷ್ಟಿಸುವ ಮೂಲಕ ಹಾಳಾಗುವುದನ್ನು ನಿಧಾನ ಗೊಳಿಸುತ್ತದೆ. ಆದರೂ ಸರಿಯಾದ ಸಂಗ್ರಹಣೆ ಮತ್ತು ಸಮಯಕ್ಕೆ ಸರಿಯಾದ ಸೇವನೆಯು ಸುರಕ್ಷತೆಯ ದೃಷ್ಟಿಯಿಂದ ಅವಶ್ಯಕ ವಾಗಿದೆ.

ಗಾಳಿಯಾಡದ ಕಂಟೇನರ್ ನಲ್ಲಿ ಸಂಗ್ರಹಣೆ
ಇನ್ನಿತರ ಆಹಾರ ಪದಾರ್ಥಗಳನ್ನು ಶೇಖರಿಸಲು ಗಾಳಿಯಾಡದ ಕಂಟೇನರ್ ಬಳಸುವಂತೆ ಕಚ್ಚಾ ಚಿಕನ್ ಗಾಳಿಗೆ ಒಡ್ಡಿಕೊಂಡು ಕೆಡದಂತೆ ಸಂಗ್ರಹಿಸಲು ಗಾಳಿಯಾಡದ ಡಬ್ಬ ಅಥವಾ ಜಿಪ್ ಲಾಕ್ ಬ್ಯಾಗ್ ಗಳನ್ನು ಬಳಸುವುದು ಸೂಕ್ತ. ಹೀಗೆ ಸಂಗ್ರಹಿಸುವುದರಿಂದ ಕೋಳಿಮಾಂಸವನ್ನು ದೀರ್ಘಕಾಲ ತಾಜಾವಾಗಿರಿಸುವಲ್ಲಿ ಸಹಾಯ ಮಾಡುತ್ತದೆ.

ಕೋಣೆಯ ಉಷ್ಣಾಂಶದಲ್ಲಿ ಇಡಬೇಡಿ
ನೀವು ಹಸಿಕೋಳಿ ಮಾಂಸವನ್ನು ಎಂದಿಗೂ ಕೋಣೆಯ ಉಷ್ಣಾಂಶದಲ್ಲಿ ಬಿಡಬಾರದು. ಏಕೆಂದರೆ ಹಾಗೆ ಇರಿಸಿದಲ್ಲಿ, ಇದರಲ್ಲಿ ಸಾಲ್ಮೋನೆಲ್ಲಾ ದಂತಹ ಬ್ಯಾಕ್ಟೀರಿಯಾಗಳು ಇದರಲ್ಲಿ ವೇಗವಾಗಿ ಬೆಳೆಯಬಹುದು ಮತ್ತು ಇದು ವಿಷದ ಅಪಾಯವನ್ನು ಹೆಚ್ಚಿಸುತ್ತದೆ. ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯಲು ಯಾವಾಗಲೂ ಮನೆಗೆ ತಂದಕೂಡಲೇ ಫ್ರಿಡ್ಜ್ ನಲ್ಲಿಡುವುದು ಉತ್ತಮ.

ಫ್ರೀಜರ್ ನಲ್ಲಿ ಸಂಗ್ರಹಣೆ
ನೀವು ಖರೀದಿಸಿ ತಂದ ಕೋಳಿಮಾಂಸವನ್ನು ತಕ್ಷಣವೇ ಬೇಯಿಸದೇ ಇದ್ದಲ್ಲಿ, ಅದನ್ನು ಅದನ್ನು ರೆಫ್ರಿಜರೇಟರ್ನ ಫ್ರೀಜರ್ನಲ್ಲಿ ಸಂಗ್ರಹಿಸಿ, ಅಲ್ಲಿ ಅದು ಅತ್ಯಂತ ತಂಪಾಗಿರುತ್ತದೆ . ಫ್ರೀಜರ್ ಅನ್ನು ದೀರ್ಘಕಾಲ ಆಹಾರವಸ್ತುಗಳನ್ನು ಸಂಗ್ರಹಿಸಲು ನೆರವಾಗುವಂತೆ ವಿನ್ಯಾಸ ಗೊಳಿಸಲಾಗುತ್ತದೆ ಮತ್ತು ಇದು ಫ್ರಿಡ್ಜ್ ನ ಶೆಲ್ಪ್ ಗಿಂತ ಹೆಚ್ಚು ತಣ್ಣಗಿರು ವಂತೆ ವಿನ್ಯಾಸಗೊಳಿಸಲಾಗಿರುವುದರಿಂದ ಇತರ ಆಹಾರಗಳಂತೆ ಕೋಳಿ ಮಾಂಸವನ್ನೂ ಸಹ ನೀವು ಇದರಲ್ಲಿ ಸಂಗ್ರಹಿಸಬಹುದು.

ಕೋಳಿ ಮಾಂಸವನ್ನು ತಂದಕೂಡಲೇ ತೊಳೆಯದವರು ಏನು ಮಾಡಬೇಕು
ನೀವು ಕೋಳಿ ಮಾಂಸವನ್ನು ತಂದ ಕೂಡಲೇ ತೊಳೆಯಲು ಇಚ್ಚಿಸ ದಿದ್ದಲ್ಲಿ, ಅದನ್ನು ಮೂಲ ಪ್ಯಾಕೇಜಿಂಗ್ ನಲ್ಲಿಯೇ ಬಿಡಿ ಮತ್ತು ಅಡ್ಡ ಪರಿಣಾಮವನ್ನು ತಡೆಗಟ್ಟಲು ನಿಮ್ಮ ರೆಫ್ರಿಜರೇಟರ್ ನ ಕೆಳಗಿನ ಶೆಲ್ಫ್ ನಲ್ಲಿ ಮುಚ್ಚಿದ ಪಾತ್ರೆಯಲ್ಲಿ ಇರಿಸಿ. ಆದರೆ ಶಿಫಾರಸ್ಸು ಮಾಡಲಾದ ಸಮಯದೊಳಗೆ ಅದನ್ನು ಬಳಸಿ.

ಕೋಳಿ ಮಾಂಸವನ್ನು ಮುಚ್ಚಿಡಿ
ಕೋಳಿ ಮಾಂಸವನ್ನು ಮುಚ್ಚದೆ ಇಡುವುದರಿಂದ ಗಾಳಿ ಮತ್ತು ಮಾಲಿನ್ಯ ಕಾರಕಗಳಿಗೆ ಒಡ್ಡಿಕೊಳ್ಳಬಹುದು, ಇದು ಸಾಲ್ಮೊನೆಲ್ಲಾ ಮತ್ತು ಕ್ಯಾಂಪಿಲೋಬ್ಯಾಕ್ಟರ್ನಂತಹ ಬ್ಯಾಕ್ಟೀರಿಯಾದ ಬೆಳವಣಿಗೆಯ ಅಪಾಯವನ್ನು ಹೆಚ್ಚಿಸುತ್ತದೆ. ಈ ಬ್ಯಾಕ್ಟೀರಿಯಾಗಳು ಹಸಿ ಮಾಂಸದ ಮೇಲೆ ಬೆಳೆಯುತ್ತವೆ ಮತ್ತು ಸೇವಿಸಿದರೆ ಆಹಾರದಿಂದ ಹರಡುವ ಕಾಯಿಲೆಗಳಿಗೆ ಕಾರಣವಾಗಬಹುದು.

ಆದ್ದರಿಂದ ಕೋಳಿ ಮಾಂಸವನ್ನು ಮುಚ್ಚದೆ ಇಡುವುದರಿಂದ ಮಾಂಸ ಒಣಗಬಹುದು ಅಥವಾ ಫ್ರಿಜ್ನಲ್ಲಿರುವ ಇತರ ಆಹಾರಗಳಿಂದ ವಾಸನೆಯನ್ನು ಹೀರಿಕೊಳ್ಳಬಹುದು ಮತ್ತು ಅಹಿತಕರ ವಾಸನೆ ಉಂಟಾಗುತ್ತದೆ. ಅದಕ್ಕಾಗಿ ಯಾವಾಗಲೂ ಇದನ್ನು ತೆರೆದಿಡಬೇಡಿ ಸರಿಯಾಗಿ ಮುಚ್ಚಿಡಿ.

The post ಕೋಳಿಮಾಂಸವನ್ನು ಫ್ರಿಡ್ಜ್ ನಲ್ಲಿ ದೀರ್ಘಕಾಲ ಕೆಡದಂತೆ ಸಂಗ್ರಹಿಸುವ ಸಿಂಪಲ್ ಟಿಪ್ಸ್. appeared first on Good News 24x7.

ಬೆಂಗಳೂರು :- ಕೋಳಿಗಳಲ್ಲಿ ಹಕ್ಕಿ ಜ್ವರ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ತೀವ್ರ ಕಟ್ಟೆಚ್ಚರ ವಹಿಸುವಂತೆ ಸರ್ಕಾರ ಆದೇಶ ಮಾಡಿದೆ.
ಚಿಕ್ಕಬಳ್ಳಾಪುರ, ಬಳ್ಳಾರಿ, ರಾಯಚೂರು, ಕೊಪ್ಪಳ, ತುಮಕೂರಿನ ಕೆಲವು ಪ್ರದೇಶ ಸೇರಿದಂತೆ ರಾಜ್ಯದ ವಿವಿಧ ಭಾಗಗಳಲ್ಲಿ ಈ ಸಾಂಕ್ರಾಮಿಕ ರೋಗ ಕಂಡು ಬಂದಿದೆ. ಸಾಮೂಹಿಕವಾಗಿ ಕೋಳಿಗಳು ಸಾಯುತ್ತಿ ರುವ ಹಿನ್ನೆಲೆಯಲ್ಲಿ ರೋಗ ಪತ್ತೆಗೆ ಭೂಪಾಲ್ನ ಸಂಶೋಧನಾ ಕೇಂದ್ರಕ್ಕೆ ಮೃತ ಕೋಳಿಗಳ ಸ್ಯಾಂಪಲ್ ಕಳುಹಿಸಲಾಗಿದೆ. ರಾಜ್ಯದಲ್ಲಿ ಹಕ್ಕಿ ಜ್ವರ ಕಾಣಿಸಿಕೊಳ್ಳು ತ್ತಿದ್ದಂತೆ ಕುಕ್ಕುಟ ಉದ್ಯಮ ನೆಲೆ ಕಚ್ಚಿದೆ. ಮುಂದಿನ ದಿನಗಳಲ್ಲಿ ಕೋಳಿ ಸಾಕಾಣಿಕೆದಾರರಿಗೆ ನಷ್ಟ ಉಂಟಾ ಗುವ ಸಾಧ್ಯತೆಗಳು ಕಂಡುಬರುತ್ತಿವೆ. ರೋಗ ಕಂಡು ಬಂದ ಕಡೆಗಳ ಪ್ರದೇಶದ ಮೂರು ಕಿಲೋ ಮೀಟರ್ ವ್ಯಾಪ್ತಿಯಲ್ಲಿ ಪಶುಸಂಗೋಪನಾ ಮತ್ತು ಆರೋಗ್ಯ ಇಲಾಖೆ ಜಂಟಿಯಾಗಿ ಎಲ್ಲಾ ಕೋಳಿಗಳನ್ನು ಸಾಯಿಸುತ್ತಿದೆ. ಪ್ರಾಥಮಿಕ ವರದಿ ಪ್ರಕಾರ ಮೃತ ಕೋಳಿಗಳಲ್ಲಿ
ಎಚ್5ಎನ್ ಏವಿಯನ್ ಇನ್ನೂಯೆನ್ನಾ ರೋಗಾಣು ಇರುವುದು ಪತ್ತೆಯಾಗಿದೆ. ಇದು ವ್ಯಾಪಕವಾಗಿ ಹರಡು ವುದನ್ನು ತಡೆಗಟ್ಟಲು ಎರಡೂ ಇಲಾಖೆಗಳು ಕೆಲವು ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿರುವುದಲ್ಲದೆ, ರಾಜ್ಯದ ಎಲ್ಲಾ ಭಾಗಗಳಲ್ಲಿಯೂ ಎಚ್ಚರಿಕೆ ವಹಿಸಲು ಸೂಚಿಸಲಾಗಿದೆ.

ಈ ರೋಗ ಪಕ್ಷಿಗಳಿಂದ ಕೋಳಿಗೆ ಹರಡಿರಬಹುದು ಎಂಬ ಸಂಶಯವಿದೆ, ಆದರೆ, ಇದುವರೆಗೂ ಈ ರೋಗ ಮನುಷ್ಯರಿಗೆ ತಗುಲಿರುವ ವರದಿ ಇಲ್ಲ. ಮೊದಲು ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಕಾಣಿಸಿಕೊಂಡ ಹಕ್ಕಿ ಜ್ವರ ಎರಡು-ಮೂರು ದಿನಗಳಲ್ಲೇ ರಾಜ್ಯದ ಇತರೆ ಭಾಗಗಳಿಗೆ ಹರಡಿರುವುದರಿಮದ ಆರೋಗ್ಯ ಇಲಾಖೆ ಆತಂಕ ವ್ಯಕ್ತಪಡಿಸಿದೆ. ಈ ಹಿನ್ನೆಲೆಯಲ್ಲೇ ಕಟ್ಟೆಚ್ಚರ ವಹಿಸುವ ಜೊತೆಗೆ ವಿವಿಧ ಭಾಗಗಳ ಕೋಳಿಗಳ ರೋಗ ಪರೀಕ್ಷೆಗೆ ಮುಂದಾಗಿದೆ. ಬೇಸಿಗೆ ಸಂದರ್ಭದಲ್ಲಿ ಕೋಳಿ ಗಳಿಗೆ ಹಕ್ಕಿ ಜ್ವರ ತಗಲುವುದು ಸಾಮಾನ್ಯ, ರೋಗಕ್ಕೆ ತುತ್ತಾದ ಕೋಳಿ ಮಾಂಸ ಸೇವನೆ ಮಾಡಿದರೆ ಮನುಷ್ಯ ನಿಗೂ ಸಾಂಕ್ರಾಮಿಕ ರೋಗ ತಗಲುವ ಸಾಧ್ಯತೆ ಇದೆ.
ಹಾಸಿಗೆ ಮೀಸಲಿಡಲು ಸೂಚನೆ: ಕೋಳಿ ಮಾಂಸ
ತಿನ್ನುವ ಮೊದಲು ಹೆಚ್ಚಿನ ಉಷ್ಣತೆಯಲ್ಲಿ ಬೇಯಿಸಿ ಬಳಸಿದರೆ ದುಷ್ಪರಿಣಾಮ ಉಂಟಾಗದು ಎಂದು ಆರೋಗ್ಯ ಇಲಾಖೆ ತಿಳಿಸಿದೆ. ಹಕ್ಕಿ ಜ್ವರ ಕಾಣಿಸಿ ಕೊಂಡಿರುವ ಪ್ರದೇಶಕ್ಕೆ ಹತ್ತಿರದ ಆಸ್ಪತ್ರೆಗಳಲ್ಲಿ ಪ್ರತ್ಯೇಕ ಹಾಸಿಗೆಗಳನ್ನು ಮೀಸಲಿಡುವಂತೆ ಜಿಲ್ಲಾ ಆರೋಗ್ಯ ಅಧಿಕಾರಿಗಳಿಗೆ ಇಲಾಖೆ ಸೂಚಿಸಿದೆ. ಅಲ್ಲದೆ, ರೋಗ ಕಾಣಿಸಿಕೊಂಡ ವ್ಯಕ್ತಿಗಳಿಗೆ ಅಗತ್ಯ ಔಷಧ ನೀಡಲು ಸಿದ್ಧತೆ ಮಾಡಿಕೊಳ್ಳುವಂತೆಯೂ ತಿಳಿಸಲಾಗಿದೆ.

The post ಕೋಳಿಗಳಲ್ಲಿ ಹಕ್ಕಿ ಜ್ವರ ಭೀತಿ ; ಕಟ್ಟೆಚ್ಚರಕ್ಕೆ ಸರ್ಕಾರ ಆದೇಶ. appeared first on Good News 24x7.

The post ಜೀವಂತ ಕೋಳಿ ನುಂಗಿ ಪ್ರಾಣ ಕಳೆದುಕೊಂಡ ವ್ಯಕ್ತಿ. appeared first on Good News 24x7.