ನ್ಯೂಯಾರ್ಕ್‌: ಈ ಬಾರಿಯ ಯುಎಸ್‌ ಓಪನ್‌ ಟೆನಿಸ್‌ ಟೂರ್ನಿ ರೋಮಾಂಚನಕಾರಿ ಹಂತ ತಲುಪಿದೆ. ಅನುಭವಿ ನೊವಾಕ್ ಜೊಕೊವಿಕ್‌ (Novak Djokovic), ಅಮೆರಿಕದ ಶ್ರೇಯಾಂಕಿತ ಆಟಗಾರ ಟೇಲರ್ ಫ್ರಿಟ್ಜ್‌ (Taylor Fritz) ಅವರನ್ನು ನಾಲ್ಕು ಸೆಟ್‌ಗಳ ಕಠಿಣ ಸೆಣಸಾಟದಲ್ಲಿ 6-3, 7-5, 3-6, 6-4 ಅಂತರದಿಂದ ಮಣಿಸಿ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.

ಸೆಮಿಫೈನಲ್‌ನಲ್ಲಿ 2ನೇ ಶ್ರೇಯಾಂಕದ ಸ್ಪಾನಿಷ್‌ ತಾರೆ ಕಾರ್ಲೊಸ್‌ ಅಲ್ಕರಾಜ್‌ (Carlos Alcaraz) ಅವರ ಸವಾಲು ಜೊಕೊವಿಕ್ ಎದುರು ನಿಲ್ಲಲಿದೆ.

25ನೇ ಗ್ರ್ಯಾಂಡ್‌ಸ್ಲಾಮ್‌ ಪ್ರಶಸ್ತಿಯ ಬೆನ್ನುಹತ್ತಿರುವ ಜೊಕೊವಿಕ್‌ಗೆ ಕೇವಲ ಇನ್ನೆರಡು ಗೆಲುವುಗಳು ಈ ಗುರಿ ತಲುಪಲು ಅಗತ್ಯವಿದೆ. ಬುಧವಾರ ನಡೆದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಅವರು ಪ್ರಥಮ ಎರಡು ಸೆಟ್‌ಗಳಲ್ಲಿ ಜಯ ಸಾಧಿಸಿ ಮುನ್ನಡೆ ಗಳಿಸಿದರು. ತೀವ್ರ ಪೈಪೋಟಿಯ ಮೂರನೇ ಸೆಟ್‌ ಫ್ರಿಟ್ಜ್‌ ವಶವಾಗಿತಾದರೂ, ನಾಲ್ಕನೇ ಸೆಟ್‌ನಲ್ಲಿ ಜೊಕೊವಿಕ್ ಮತ್ತೆ ಪೂರ್ತಿಯಾಗಿ ಆಕ್ರಮಣಕಾರಿ ಆಟ ಪ್ರದರ್ಶಿಸಿ 6-4 ಅಂತರದಲ್ಲಿ ಗೆಲುವು ದಾಖಲಿಸಿದರು. ಪಂದ್ಯ ಗೆದ್ದ ಬಳಿಕ ಜೋಕೊನ ಡ್ಯಾನ್ಸ್ ಮುವ್ಮೆಂಟ್‌ಗಳು ಕ್ರೀಡಾಭಿಮಾನಿಗಳಿಗೆ ಭಾರೀ ಉಲ್ಲಾಸ ತರಿಸಿದವು.

ಮಹಿಳಾ ವಿಭಾಗದಲ್ಲಿ ಸಬಲೆಂಕಾ ಲಕ್ಕಿ ಎಂಟ್ರಿ

ಮಹಿಳಾ ಸಿಂಗಲ್ಸ್‌ನಲ್ಲಿ, ವಿಶ್ವದ ನಂ.1 ಆಟಗಾರ್ತಿ ಅರಿನಾ ಸಬಲೆಂಕಾ (Aryna Sabalenka) ಗಾಯಗೊಂಡಿರುವ ಮಾರ್ಕೆಟಾ ವೊಂಡ್ರೌಸೋವಾ ಕ್ವಾರ್ಟರ್‌ ಫೈನಲ್‌ದಿಂದ ಹಿಂದೆ ಸರಿದ ಕಾರಣ ವಾಕ್‌ಓವರ್ ಮೂಲಕ ಸೆಮಿಫೈನಲ್‌ಗೆ ಮುಂದಾದರು.

ಇದೀಗ ಸೆಮಿಫೈನಲ್‌ನಲ್ಲಿ ಸಬಲೆಂಕಾ ವಿಶ್ವದ ಶ್ರೇಯಾಂಕಿತ ಜೆಸ್ಸಿಕಾ ಪೆಗುಲಾ (Jessica Pegula) ಅವರನ್ನು ಎದುರಿಸಲಿದ್ದಾರೆ. ಪೆಗುಲಾ ತಮ್ಮ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಬಾರ್ಬೊರಾ ಕ್ರೆಜಿಕೋವಾ (Barbora Krejcikova) ಅವರನ್ನು ನೇರ ಸೆಟ್‌ಗಳಲ್ಲಿ 6-3, 6-3 ಅಂತರದಲ್ಲಿ ಸೋಲಿಸಿದ್ದರು.

The post ಸೆಮಿಫೈನಲ್‌ಗೆ ಜೋಕೊವಿಕ್ ಎಂಟ್ರಿ; ಅಲ್ಕರಾಜ್ ಎದುರಾಳಿ. appeared first on Good News 24x7.