ಬೆಂಗಳೂರು: ಇಂಡಿ ಕ್ಷೇತ್ರದ ಶಾಸಕ ಯಶವಂತರಾಯ ಗೌಡ ಪಾಟೀಲ್ ಅವರ ರಾಜೀನಾಮೆ ಬೆದರಿಕೆಗೆ ಕೊನೆಗೂ ಸರ್ಕಾರ ಮಣಿದಿದೆ. ತಮ್ಮ ಕ್ಷೇತ್ರವನ್ನು ಬರಪೀಡಿತ ಪಟ್ಟಿಯಿಂದ ಕೈಬಿಡಲಾಗಿದೆ ಎಂದು ಅಸಮಾಧಾನಗೊಂಡು, ಸ್ಪೀಕರ್ ಅವರಿಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ದ ಶಾಸಕರ ಮನವೊಲಿಸುವಲ್ಲಿ ಸರ್ಕಾರ ಯಶಸ್ವಿಯಾಗಿದೆ. ಇದರ ಬೆನ್ನಲ್ಲೇ ಇಂಡಿ ಹಾಗೂ ಚಡಚಣ ಸೇರಿದಂತೆ ಒಟ್ಟು 29 ಹೆಚ್ಚುವರಿ ತಾಲೂಕುಗಳನ್ನು ‘ಬರ ಗ್ರೌಂಡ್ ಟ್ರೂಥಿಂಗ್’ (ವಾಸ್ತವಾಂಶ ಪರಿಶೀಲನೆ) ಪಟ್ಟಿಗೆ ಸೇರಿಸಿ ರಾಜ್ಯ ಸರ್ಕಾರ ಅಧಿಕೃತ ಸೂಚನೆ ಹೊರಡಿಸಿದೆ.

ಶಾಸಕರ ರಾಜೀನಾಮೆ ವಿಚಾರ ಸದನದಲ್ಲಿ ಭಾರಿ ಗದ್ದಲಕ್ಕೆ ಕಾರಣವಾಗಿ, ವಿಪಕ್ಷಗಳು ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದವು. ತಾಂತ್ರಿಕ ಕಾರಣಗಳಿಂದ ರಾಜೀನಾಮೆ ಪತ್ರವನ್ನು ಸ್ಪೀಕರ್ ತಿರಸ್ಕರಿಸಿದ ಬೆನ್ನಲ್ಲೇ, ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಶಾಸಕರೊಂದಿಗೆ ಸಂಧಾನ ನಡೆಸಿ ಪರಿಸ್ಥಿತಿಯನ್ನು ತಿಳಿಗೊಳಿಸಿದರು. ತಕ್ಷಣವೇ ಕಾರ್ಯಪ್ರವೃತ್ತರಾದ ಸರ್ಕಾರ, ಬರದ ಸ್ಥಿತಿಗತಿ ಪರಿಶೀಲನೆಗಾಗಿ ಹೆಚ್ಚುವರಿ 29 ತಾಲೂಕುಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಗ್ರೌಂಡ್ ಟ್ರೂಥಿಂಗ್ ಪಟ್ಟಿಗೆ ಸೇರ್ಪಡೆಯಾದ 29 ತಾಲೂಕುಗಳು:

ಔರಾದ್

ಗೋಕಾಕ್

ರಾಮದುರ್ಗ

ಸೌಂದತ್ತಿ

ಕಾಗವಾಡ

ಇಂಡಿ

ಚಡಚಣ

ಧಾರವಾಡ

ಕಲಘಟಗಿ

ಕುಂದಗೋಳ

ಅಳ್ನಾವರ

ಶಿಕಾರಿಪುರ

ಶಿವಮೊಗ್ಗ

ಭದ್ರಾವತಿ

ಸೊರಬ

ತೀರ್ಥಹಳ್ಳಿ

ಚಿಕ್ಕಮಗಳೂರು

ಕಳಸ

ಮಡಿಕೇರಿ

ಕುಶಾಲನಗರ

ಬೆಳ್ತಂಗಡಿ

ಬಂಟ್ವಾಳ

ಉಳ್ಳಾಲ

ಉಡುಪಿ

ಬೈಂದೂರು

ಅಂಕೋಲಾ

ಭಟ್ಕಳ

ಹಳಿಯಾಳ

ಶಿರಸಿ