ಬೆಂಗಳೂರು: “I’m God” ಸಿನಿಮಾದ ಮೂಲಕ ನಾಯಕ, ನಿರ್ದೇಶಕ ಮತ್ತು ನಿರ್ಮಾಪಕರಾಗಿ ಮಿಂಚಲು ಸಜ್ಜಾಗಿದ್ದಾರೆ ರವಿ ಗೌಡ. ಚಿತ್ರತಂಡ ಈಗಾಗಲೇ ಚಿತ್ರದ ಫಸ್ಟ್ ಲುಕ್ ಮತ್ತು ಮೋಷನ್ ಪೋಸ್ಟರ್ ಅನ್ನು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರಿಂದ ಬಿಡುಗಡೆಗೊಳಿಸಿ ಪ್ರಚಾರ ಕಾರ್ಯಕ್ಕೆ ಚಾಲನೆ ನೀಡಿತ್ತು. ಇದೀಗ, ಸಿನಿಮಾದ ಮೊದಲ ಹಾಡು ಬಿಡುಗಡೆಯಾಗಿ ಹೊಸ ಹಂಬಲವನ್ನು ಹುಟ್ಟುಹಾಕಿದೆ.
ಈ ಚಿತ್ರದ ಮೊದಲ ಹಾಡಿಗೆ ಯುವಪ್ರಿಯ ಗಾಯಕ ಸಂಚಿತ್ ಹೆಗ್ಡೆ ಧ್ವನಿ ನೀಡಿದ್ದು, ಯುವಕರಲ್ಲಿ ಈಗಾಗಲೇ ಗಮನಸೆಳೆಯುತ್ತಿದೆ. ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿರುವ ಈ ಹಾಡಿಗೆ ಸಾಹಿತ್ಯ ನೀಡಿರುವುದು ನಾಗಾರ್ಜುನ್ ಶರ್ಮಾ. ಲವ್ ತಾವು ಯಾರಾದರೂ ಮೇಲೆ ಪ್ರೀತಿಯಲ್ಲಿ ಬೀಳಿದಾಗ ಅನುಭವವಾಗುವ ಭಾವನೆಗಳನ್ನು ಈ ಹಾಡಿನಲ್ಲಿ ಆಳವಾಗಿ ತೋರಿಸಲಾಗಿದೆ ಎಂದು ನಟ ಹಾಗೂ ನಿರ್ದೇಶಕ ರವಿ ಗೌಡ ತಿಳಿಸಿದ್ದಾರೆ.
“ಅಜನೀಶ್ ಅವರ ಸಂಗೀತ, ಸಂಚಿತ್ ಅವರ ಧ್ವನಿ ಈ ಹಾಡಿಗೆ ಮತ್ತಷ್ಟು ಬಲ ನೀಡಿದೆ,” ಎಂದ ಅವರು, ನಟನೆಯ ಜೊತೆಗೆ ನಿರ್ದೇಶನ ಮತ್ತು ನಿರ್ಮಾಣದ ಜವಾಬ್ದಾರಿಯನ್ನು ಹೊತ್ತ ಬಗ್ಗೆ ಮಾತನಾಡುತ್ತ, “ಇದು ಖುಷಿ ಮತ್ತು ಭಯ ಎರಡನ್ನೂ ನೀಡಿದ ಅನುಭವ. ಕೆಲವು ಬಾರಿ ಈ ಹೊಣೆದಾರಿ ಬೇಕಿತ್ತಾ ಎಂದು ಅನಿಸಿತು. ಆದರೂ ಈಗ ಫಲಿತಾಂಶ ನೋಡಿದಾಗ ಸಂತೋಷವಾಗುತ್ತಿದೆ,” ಎಂದಿದ್ದಾರೆ.
“I’m God” ಚಿತ್ರಕ್ಕೆ ಸಂಬಂಧಿಸಿದ ಶೂಟಿಂಗ್ ಈಗಾಗಲೇ ಪೂರ್ಣಗೊಂಡಿದ್ದು, ಪ್ರಸ್ತುತ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳಲ್ಲಿ ಚಿತ್ರತಂಡ ತೊಡಗಿದೆ. ಎಲ್ಲವೂ ಯೋಜನೆಯಂತೆ ನಡೆದರೆ, ಈ ವರ್ಷ ಕೊನೆಗೆ ಸಿನಿಮಾ ಪ್ರೇಕ್ಷಕರ ಮುಂದೆ ಬರುತ್ತದೆ.
ರೋಮ್ಯಾಂಟಿಕ್ ಥ್ರಿಲ್ಲರ್ ಹಂದರ ಹೊಂದಿರುವ ಈ ಚಿತ್ರದಲ್ಲಿ, ರವಿ ಗೌಡ ನಾಯಕನಾಗಿ, ವಿತೇಜಾ ಪರೀಕ್ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಇದು ವಿತೇಜಾಗೆ ಮೊದಲ ಸಿನಿಮಾ. ಇತರ ಪ್ರಮುಖ ಪಾತ್ರಗಳಲ್ಲಿ ರವಿಶಂಕರ್, ಹಿರಿಯ ನಟ ಅವಿನಾಶ್, ಅರುಣ ಬಾಲರಾಜ್ ಸೇರಿದಂತೆ ಹಲವರು ನಟಿಸಿದ್ದಾರೆ. ಚಿತ್ರಶೂಟಿಂಗ್ ಬೆಂಗಳೂರೂ ಹಾಗೂ ಕೇರಳದ ಲೊಕೇಷನ್ಗಳಲ್ಲಿ ನಡೆಯಿತು.
